काठमाडौं । प्रधानमन्त्री पुष्पकमल दाहाल ‘प्रचण्ड’ले बालकुमारी घटनाको विषयमा सत्तारुढ गठबन्धनका दलहरुसँग छलफल गर्दैछन् ।
छलफल आइतबार दिउँसो २ बजे बालुवाटारमा आयोजना गरिएको प्रधानमन्त्री प्रचण्डको सचिवालयले जनाएको छ । गत शुक्रबार कोरियाली भाषा परीक्षामा सहभागी हुन पाउनुपर्ने माग गर्दै युवाहरु आन्दोलनमा उत्रिएका थिए । सोही आन्दोलनमा प्रहरीले गोली चलाएको थियो ।
युवामाथि प्रहरीले गोली चलाउँदा २ जनाको मृत्यु भएको थियो ।
