स्याङ्जा, १७ मङ्सिर । स्याङ्जा क्षेत्र नं २ (२) प्रदेशसभा सदस्यमा नेपाली काँग्रेसका महेश भट्टराईले अग्रता बनाउनुभएको छ ।
उहाँ आफ्नो निकटतम प्रतिद्धन्दी नेकपा (एमाले) का उम्मेदवार डा। बुद्धिमान श्रेष्ठ भन्दा एक सय ४१ मतले अगाडि हुनुहुन्छ ।
कालीगण्डकी गाउँपालिका र गल्याङ नगरपालिकाको वडा नं १, २, ३, ४, ५, ८, ९ र १० को मतगणना सम्पन्न भइसकेको छ । अहिले गल्याङ नगरपालिका वडा नं ११ को मतगणना भइरहेको छ ।
यस निर्वाचन क्षेत्रमा कालीगण्डकी गाउँपालिका, चापाकोट नगरपालिका र गल्याङ नगरपालिकाको १, २, ३, ४, ५, ८, ९, १० र ११ वडा पर्दछन् ।
