काठमाडौं। चलचित्र पत्रकार संघ नेपालको नवनिर्वाचित कार्य समितिले अन्तर्राष्ट्रिय महिला दिवसको अवसर पारेर चलचित्र पत्रकारितामा सकृय महिला पत्रकारहरुलाई सम्मान गरेको छ ।
बुधवार काठमाडौं आयोजित एक समारोहमा संघले तीन महिला पत्रकारहरुलाई सकृय पत्रकारिता सम्मान तथा एक जना अग्रज चलचित्र पत्रकारलाई महिला चलचित्र पत्रकारिता सम्मानबाट सम्मानित गरेको हो । संघका महिला उपाध्यक्ष सुरक्षा भट्टराईको सभापतित्वमा आयोजित समाराहेमा शिल्पा अधिकारी, बीना श्रेष्ठ तथा सबि कार्की खड्कालाई सक्रिय पत्रकारिता सम्मान तथा अग्रज पत्रकार जयन सुब्बा मानन्धरलाई महिला चलचित्र पत्रकारिता सम्मान प्रदान गरेको हो ।
समारोहमा महिला चलचित्र पत्रकारिता विषयमा अन्तरक्रिया पनि आयोजना गरिएको हो । हास्य अभिनेत्री बसुन्धरा भुषालको प्रमुख आथित्यमा सम्पन्न समारोहमा भुसालको जन्मदिन पनि मनाएको थियो ।
