काठमाडौं । धनुषाको जनकपुर उपमहानगरपालिका–१४ मा आज मोटरसाइकलको ठक्करबाट पैदलयात्रीको मृत्यु भएको छ । मृत्यु हुनेमा सिरहाको कर्जन्हा नगरपालिका–७ की ६५ वर्षीया ईशरा देवी रहेकी छन् ।
दुर्घटनामा गम्भीर घाइते भएकी उनको उपचारको क्रममा प्रादेशिक अस्पताल जनकपुरमा मृत्यु भएको हो । पैदलयात्रीलाई ठक्कर दिएर मोटरसाइकलसमेत पल्टिँदा चालक घाइते भएका छन् । घाइते भएका चालक धनुषाकै बटेश्वर गाउँपालिका–५ का २० वर्षीय निराज श्रेष्ठको सोही अस्पतालमा उपचार भइरहेको छ ।
महेन्द्रनगरबाट जनकपुरतर्फ जादै गरेको ज ६ प २२ १७ नम्बरको मोटरसाइकलले सडक पार गर्दै गरेकी पैदलयात्रीलाई बिहान साढे ६ बजे ठक्कर दिएको जिल्ला प्रहरी कार्यालय धनुषाले जानकारी दिएको छ ।
