ललितपुर । ललितपुरमा एकजना पुरुष आफ्नै घरमा मृत फेला परेका छन् । ललितपुर महानगरपालिका–२४ धापाखेल सुभ एकता टोल बस्ने ४९ वर्षीय श्यामप्रसाद लावती आफ्नै घरको कोठामा शनिबार मृत अवस्थामा फेला परेका हुन् ।
यता सल्यानको छत्रेश्वरी गाउँपालिका–५ बागबजार जुमकोट बस्ने ७४ वर्षीय चित्रमान खत्री सोही ठाउँस्थित खेतमा शनिबार मृत अवस्थामा फेला परेको नेपाल प्रहरीको प्रधान कार्यालयले जनाएको छ । त्यस्तै पाल्पाको रैनादेवी छहरा गाउँपालिका–७ र ८ स्थित कन्चन खोलामा सोही गाउँपालिका–७ जोगदमार बस्ने १७ वर्षीय भीमबहादुर राना शनिबार मृत अवस्थामा फेला परेका छन् ।
यी सबै घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।
