काठमार्डौ । राष्ट्र, राष्ट्रियता, धर्म, संस्कृति र नागरिक बचाउ महाअभियानले आज शनिबार काठमाडौंमा प्रदर्शन गर्ने भएको छ । व्यवसायी दुर्गा प्रसाईँ नेतृत्वको महअभियानले काठमाडौंको वानेश्वरमा प्रदर्शन गर्न लागेको हो ।
पूर्व राजा ज्ञानेन्द शाहलाई उपस्थित गराई झापाबाट प्रारम्भ भएको अभियानले बुटबल हुँदै देशका विभिन्न शहरमा प्रदर्शन गरिसकेको छ । महाअभियनले आर्थिक अन्याय र बेथितिको विरुद्ध काठमाडौंमा पनि प्रदर्शन गर्न लागेको प्रसाईँले जानकारी दिएका छन् ।
नेपाललाई हिन्दुराष्ट्र कायम गरिनुपर्ने, संघीयता खारेज गर्नुपर्ने, बैंकको ब्याजदर घटाउनु पर्ने, २० लाखसम्म ऋण मिनाहा गर्नुपर्ने लगायतका १३ बुँदे माग उक्त अभियानको छ ।
