काठमाडौँ, २४ पुस। बैङ्क तथा वित्तीय संस्था परिसंघको अध्यक्षमा पुनः पवन गोल्यान अध्यक्षमा चयन हुनुभएको छ। सङ्घको आइतबार सम्पन्न तेस्रो अधिवेशनले गोल्यानलाई नै एक कार्यकाल अध्यक्ष दोहो¥याएको हो । 
अधिवेशनले त्यसै गरी वरिष्ठ उपाध्यक्षमा मेगा बैङ्कका अध्यक्ष भोजबहादुर शाह, अर्का उपाध्यक्षमा महालक्ष्मी विकास बैङ्कका अध्यक्ष राजेश उपाध्याय, महासचिवमा सिटिजन्म बैङ्कको अध्यक्ष राजनसिंह भण्डारी चयन हुनुभएको छ । भण्डारी अध्यक्ष बन्ने दौडमा रहे पनि अन्तमा गोल्यान अध्यक्ष र भण्डारी महासचिव बन्नुभएको हो । भेलाले १५ सदस्यीय कार्यसमिति चयन गरेको हो ।
त्यस्तै कोषाध्यक्षमा एनआइसी एसिया बैङ्कका अध्यक्ष तुलसीराम अग्रवाल, सचिवमा रिलायन्स फाइनान्सका अध्यक्ष कुशकुमार मल्ली र सह–कोषाध्यक्षमा हिमालयन बैङ्कका अध्यक्ष प्रचण्ड बहादुर श्रेष्ठ चयन हुनुभएको वरिष्ठ उपाध्यक्ष भोजबहादुर शाहले बताउनुभयो ।
सदस्यहरूमा उपेन्द्र पौड्याल, उपेन्द्र केशरी न्यौपाने, लिला प्रकाश सिटौला, मोतिलला दुगड, राधेश पन्त, भरत ढकाल, महेन्द्रकुमार गोयल, प्रा.डा. हिरण्य प्रधान रहनुभएको छ ।
