काठमाडौँँ । आज देशका पहाडी भेगमा हल्का वर्षाको सम्भावना रहेको जल तथा मौसम पूर्वानुमान महाशाखाले जनाएको छ।
महाशाखाका अनुसार आज दिउँसो देशका पहाडी भेगका एक-दुई स्थानमा मेघगर्जन र चट्याङसहित हल्का वर्षा हुने सम्भावना देखिएको हो। देशमा हाल पश्चिमी वायुको प्रभाव सामान्य रहे पनि आज राति भने कतै वर्षाको सम्भावना नदेखिएकाले आंशिक बदली रही मौसम सामान्यतया सफा रहनेछ।
यस्तै भोलि सोमबार देशका पहाडी भू-भागका एक-दुई स्थानमा मेघ गर्जन र चट्याङ्ग सहित हल्का वर्षाको सम्भावना रहेको छ। मंगलबार सुदूरपश्चिम, कर्णाली तथा गण्डकी प्रदेशका पहाडी भू-भागका थोरै स्थानहरुमा मेघ गर्जन र चट्याङ्गसहित हल्का वर्षाको सम्भावना रहेको महाशाखाले जनाएको छ।
