काठमाडौं । व्यवसायिक रुपमा सफल भैरहेको नयाँ नेपाली फिल्म ‘छक्का पञ्जा ४’ मा समावेश गीत ‘सिरुपाते जुँगामा दाहिने हातको ताउ’ मंगलबार सार्वजनिक भएको छ ।
रमाइलो कुरा के छ भने फिल्मको टे्रलरमा समावेश भएकै कारण यो गीत सार्वजनिक हुनुअघि नै दर्शक तथा स्रोतामाझ लोकप्रिय भैसकेको छ भने यसका हजारौं टिकटक समेत बनिसकेका छन् । सांगीतिक इतिहासमै गीत सार्वजनिक हुनुअघि फिल्मको ट्रेलरमा समावेश गरिएको भरमा लोकप्रिय हुने यो पहिलो गीत बनेको छ । दीपकराज गिरी–दीपाश्री निरौला समुहको फिल्मको यो नयाँ गीतका शब्दहरु शंकर अधिकारी घायलले रचना गरेका हुन् भने यसमा बाबुल गिरीको स्वर तथा संगीत सुन्न सकिन्छ ।
गीतको भिडियोमा दीपकराज गिरी तथा बेनिशा हमाललाई फिचर गरिएको छ भने दीपाश्री निरौला, केदार प्रसाद घिमिरे, राज आचार्य आदि कलाकारलाई पनि प्रस्तुत गरिएको छ ।
