काठमाडौं । ‘भ्वाइस अफ नेपाल’सिजन-५ ले शुक्रबार विजेता छनोट गर्दैछ । ललितपुरको गोदावरीस्थित सनराइज हलमा भव्य फिनालेको आयोजना गरिएको छ ।
कोच मिलन नेवारको समूहबाट विनोद राई, कोच प्रमोद खरेलको समूहबाट नोगेन लिम्बू, कोच राजेशपायल राईको समूहबाट मकरबहादुर योञ्जन र कोच उदय सोताङको समूहबाट कुमार प्रयास राईले फिनालेमा प्रतिस्पर्धा गर्दैछन् । यीमध्ये बढी भोट प्राप्त गर्ने एकजना विजेता हुनेछन् ।
दर्शकले आजको पर्फमेन्सको अन्तिमसम्म खल्ती एपमार्फत भोट गर्न सक्नेछन् । तीन हजार सिट क्षमता भएको हलमा दर्शकले खल्ती एपबाट टिकट किनेर कार्यक्रम हेर्न सक्नेछन् । आफूलाई मन परेको प्रतिस्पर्धीलाई सक्दो भोट गरेर जिताउनुहोस् ।
